குண்டும், குழியுமான சாலைகள்

கிருஷ்ணகிரி நகரில் பல்வேறு இடங்களில் சாலை சேதமடைந்துள்ளது. ரவுண்டானாவில் இருந்து பெங்களூரு சாலையில் கே. தியேட்டர் பிரிவு சாலை அருகில் மோசமாக உள்ளது. அதேபோல ஐந்து ரோடு ரவுண்டானா அருகே காவல் கட்டுப்பாட்டு அறை பக்கம் உள்ள சாலை சேதமடைந்துள்ளது . இதேபோல் நகரின் பல்வேறு இடங்களில் சாலை குண்டும், குழியுமாக காணப்படுவதால் வாகன ஓட்டிகள் மிகவும் அவதிக்கு உள்ளாகிறார்கள். எனவே சாலைகளை சீரமைக்க அதிகாரிகள் நடவடிக்கை எடுக்க வேண்டும்.