விபத்தில் சிக்கும் அபாயம்

சேலம் புதிய பஸ் நிலையம் அருகே அங்கம்மாள் நகர் அண்ணா தெரு உள்ளது. இந்த பகுதியில் உள்ள கூட்டுறவு வங்கியையொட்டி பேவர் பிளாக் சாலையில் செப்டிக் டேங்க் மூடியுடன் அமைக்கப்பட்டு உயரமாக காணப்படுகிறது. இதனால் அந்த வழியாக இரவு நேரங்களில் வாகனங்களில் செல்பவர்கள் அந்த செப்டிங் டேங்க் மூடியில் மோதி விபத்தில் சிக்குகின்றனர். எனவே வாகன ஓட்டிகள் நலன் கருதி அதிகாரிகள் நடவடிக்கை எடுத்து செப்டிக் டேங்க் மூடியை சாலை மட்டத்திற்கு சீரமைக்க வேண்டும்.