பயணிகள் நிழற்குடை வேண்டும்

கரூர் மாவட்டம் வேட்டமங்கலம் ஊராட்சி முத்தனூர் பகுதி வழியாக கொடுமுடி -பரமத்தி வேலூர், நொய்யல் -கரூர் செல்லும் தார்சாலை செல்கிறது. இந்த தார்சாலை வழியாக ஏராளமான தனியார் மற்றும் அரசு பஸ்கள் சென்று வருகின்றன. இந்நிலையில் செல்வநகர், எம்.ஜி.ஆர். நகர், கவுண்டன்புதூர், செட்டி தோட்டம் மற்றும் சுற்றுவட்டார பகுதிகளை சேர்ந்த பொதுமக்கள் முத்தனூர் பகுதிக்கு வந்திருந்து அங்கிருந்து அவர்கள் செல்லும் ஊர்களுக்கு பஸ் ஏறி சென்று அங்கு பணிகளை முடித்துவிட்டு மீண்டும் வீடுகளுக்கு வருகின்றனர். பொதுமக்கள் பஸ்சுக்காக காத்துநிற்கும்போது நிழற்குடை இல்லாததால் மழைக்காலங்களிலும், வெயில் காலங்களிலும் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இப்பகுதியில் பயணிகள் நிழற்குடை அமைக்க வேண்டும் என கேட்டுக்கொள்கிறோம்.