வாடகை கட்டிடத்தில் இயங்கும் அங்காடி

புதுக்கோட்டை மாவட்டம் பொன்னமராவதி தாலுகா காரையூர் அருகே உள்ள சூரப்பட்டியில் மேலத்தானியம் கூட்டுறவு சங்கம் சார்பில் பல ஆண்டுகளாக வாடகை கட்டிடத்தில் அங்காடி கடை இயங்கி வருகிறது. இந்தக் கடையில் சூரப்பட்டி, வடக்கிப்பட்டி கிராமத்தைச் சேர்ந்த சுமார் 200 குடும்பத்தினர் பொருட்கள் வாங்கி பயன் அடைந்து வருகின்றனர். இந்த நிலையில் இவர்கள் பயன்பெறும் வகையில் சூரப்பட்டியில் இயங்கி வரும் அங்காடிக்கு அரசு கட்டிடம் கட்ட சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.