பொதுமக்கள் அவதி

திருவள்ளூர் மாவட்டம் பொன்னேரி, மீஞ்சூர் பஜாரில் ஏராளமான கடைகள் உள்ளது. இங்கு தினமும் ஆயிரக்கணக்கான பொதுமக்கள் வந்து செல்கின்றனர். ஆனால் இங்கு பொது கழிப்பிட வசதி இல்லை. இதனால் பஜாருக்கு வரும் பொதுமக்கள் கடும் அவதியடைகின்றனர். மேலும் பொது கழிப்பிடம் இல்லாததால் ஒருசிலர் சாலை ஓரங்களில் சிறுநீர் கழிக்கின்றனர். இதனால் அந்த பகுதியில் துர்நாற்றம் வீசுகிறது. எனவே சம்பந்தப்பட்ட துறை அதிகாரிகள் மீஞ்சூர் பஜாரில் பொது கழிப்பிடம் அமைத்து தர நடவடிக்கை எடுக்க வேண்டும்.