ஆமை வேகத்தில் மேம்பாலம் பணி

திருவள்ளூர் மாவட்டம், செவ்வாபேட்டையில் ரெயில்வே மேம்பால பணி தொடங்கப்பட்டு சுமார் 10 ஆண்டுகள் ஆகிறது. ஆனால் இதுவரையில் அந்த பணி முடிக்கப்படவில்லை. அந்த பகுதியில் உள்ள மாணவ-மாணவியர், முதியோர் என அனைவரும் ரெயில் நிலையம் வருவதற்கு ஆபத்தான முறையில் தண்டவாளத்தை கடந்து செல்ல வேண்டியுள்ளது. மேலும், ரெயில் நிலையம் வரும் சாலை குண்டும் குழியுமாக மிகவும் மோசமாக உள்ளது. இதேபோல, அந்த பகுதியில் உள்ள சுரங்கப்பாதை சிறிது மழை பெய்தாலும் மழைநீர் தேங்கி, வெளியே செல்வதற்கு வழி இல்லாமல் உள்ளது. எனவே, மேம்பால பணியை விரைந்து முடிக்கவும், தற்காலிகமாக ரெயில் நிலையம் வருவதற்கு பாதை அமைக்கவும் நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.