தாமதமாக திறக்கப்படும் அங்கன்வாடி மையம்

திருச்சி கருமண்டபம் பஸ் நிலையம் பகுதியில் அங்கன்வாடி மையம் செயல்பட்டு வருகிறது. இந்த அங்கன்வாடி மையத்திற்கு சுற்றுப் பகுதியைச் சேர்ந்த பெற்றோர்கள் தங்களின் குழந்தைகளை அழைத்து வந்து படிப்பதற்காக விட்டுச்செல்கின்றனர். இந்த நிலையில் இந்த பகுதியில் உள்ள அங்கன்வாடி மையம் சில நாட்களில் காலை நேரத்தில் திறக்கப்படாமல் தாமதமாக திறக்கப்படுகிறது. இதனால் பெற்றோர்கள் தங்களின் குழந்தைகளை அழைத்து வந்து அங்கன்வாடியில் விட முடியாமல் ஏமாற்றத்துடன் திரும்பி செல்கின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து அங்கன்வாடி மையத்தை சரியான நேரத்தில் திறக்க வேண்டும் என கேட்டுக்கொள்கிறோம்.