தூர்வாரப்படாத வடிகால்

அரியலூர் மாவட்டம் தா.பழூர் வட்டாரத்தில் பொன்னாற்று பாசத்தின் மூலமாக சுமார் 5,000 ஹெக்டர் நிலப்பரப்பில் நஞ்சை விவசாயம் செய்யப்பட்டு வருகிறது. பொன்னாற்றில் இருந்து 1, 2, 3, 4-ம் எண் பாசன வாய்க்கால்கள் மூலம் இப்பகுதி விவசாயிகள் பாசனம் பெற்று விவசாயம் செய்து வருகின்றனர். அதேபோல் மழைக்காலங்களில் ஏற்படும் வெள்ளம் வடிவதற்கு வெட்டாறு வடிகால் ஓடை மட்டுமே உள்ளது. இந்த வடிகால் ஓடை அடிக்காமலை பகுதியில் தொடங்கி கோடாலி கருப்பூர் பகுதியில் உள்ள 7 கண் மதகு வரை அமைந்துள்ளது. இதில் பல்வேறு இடங்களில் புதர் மண்டி கிடைக்கிறது. இதனால் இப்பகுதியில் விவசாயம் செய்யும் அனைத்து விவசாயிகளுக்கும், மழைக்காலங்களில் வெள்ளம் ஏற்பட்டால் சம்பா பருவத்தில் கடும் சேதத்தை ஏற்படுத்தி நஷ்டப்படுத்தும் வாய்ப்புகள் உள்ளது. பருவம் தவறிய மழை ஏற்பட்டால் வரும் டிசம்பர் மாதங்களில் கூட நெல் வயல்கள் வடிகால் வசதி இல்லாமல் மூழ்கும் அபாயம் உள்ளது. எனவே வடிகால் ஓடையை தூர்வார வேண்டும் என கேட்டுக்கொள்கிறோம்.