ஆபத்தான மரம்

கந்தம்பாளையம் அடுத்த நல்லூரில் ஊராட்சி ஒன்றிய தொடக்கப்பள்ளி, அங்கன்வாடி மையம் அருகருகே அமைந்துள்ளன. பள்ளியில் ஏராளமான குழந்தைகள் படித்து வருகின்றன. பள்ளியின் சுற்றுச்சுவர் அருகே மிகவும் உயரமான மரம் ஒன்று பட்டுப்போன நிலையில் காய்ந்து மரம் எப்பொழுது வேண்டுமானாலும் கீழே விழும் நிலையில் உள்ளது. மேலும் அப்பகுதியில் குழந்தைகள் சென்று வருவதால் பெரும் விபத்து ஏற்பட வாய்ப்பு உள்ளது. எனவே இந்த அச்சுறுத்தும் பட்டுப்போன மரத்தை பள்ளி நிர்வாகமும், அதிகாரிகளும் நடவடிக்கை எடுத்து அப்புறப்படுத்த வேண்டும் என்பதே பெற்றோரின் கோரிக்கையாக உள்ளது.

-சசிகுமார், கந்தம்பாளையம்.