செடி, கொடிகளை அகற்ற கோரிக்கை

திருச்சி மாவட்டம், துறையூர் வட்டம், கோட்டப்பாளையம் பஞ்சாயத்து வளையப்பட்டி கிராமத்தில் ஆதிதிராவிட நல தொடக்கப் பள்ளி செயல்பட்டு வருகிறது. இங்கு ஏராளமான மாணவ-மாணவிகள் படித்து வருகின்றனர். இந்த பள்ளியை சுற்றி அடர்ந்த புற்கள், செடி, கொடிகள் அதிகளவில் வளர்ந்து உள்ளது. இதனால் அங்கு விஷ பூச்சிகளின் நடமாட்டம் அதிகமாக உள்ளது. இதனால் மாணவ-மாணவிகள் அந்த வழியாக பள்ளிக்கு வருவதற்கு அவதிப்பட்டு வருகின்றனர். எனவே செடி, கொடிகளை அகற்றி பள்ளியை சுற்றி சுத்தம் செய்ய மாணவ-மாணவிகள், சமூக ஆர்வலர்கள் கோரிக்கை விடுத்துள்ளனர்.