தெருநாய்கள் தொல்லை

அரியலூர் சின்னக்கடை தெருவில் ஏராளமான குடும்பத்தினர் வசித்து வருகின்றனர். மேலும் இப்பகுதியில் கோவில், கடைகள் என எப்போதும் பொதுமக்கள் கூட்டம் நிறைந்தே காணப்படும். தற்போது இந்த பகுதியில் தெருநாய்களின் எண்ணிக்கை பெருகிக்கொண்டே இருக்கிறது. இவை இரவு நேரங்களில் இந்த வழியாக செல்பவர்கள் மீது குரைத்துக்கொண்டே கடிக்க பாய்கின்றன. இதன்காரணமாக இந்த வழியாக செல்லவே பொதுமக்கள் அச்சப்படுகின்றனர். மேலும் விபத்து ஏற்படும் அபாயமும் அதிகம் உள்ளது. எனவே சம்பந்தப்பட்ட அதிகாரிகள் இதுதொடர்பாக விரைந்து நடவடிக்கை எடுத்து தெருநாய்கள் தொல்லையை கட்டுப்படுத்த வேண்டும் என கேட்டுக்கொள்கிறோம்.