தெருநாய்கள் தொல்லை

அரியலூரை அடுத்த அல்லிநகரம் பகுதியில் உள்ள பெரம்பலூர் சாலையில் தெருநாய்கள் தொல்லை அதிகம் உள்ளது. இவை இப்பகுதியில் கூட்டம், கூட்டமாக நின்று கொண்டு, இந்த வழியாக செல்லும் பொதுமக்கள் மற்றும் வாகன ஓட்டிகளை கடிக்க பாய்கிறது. இதனால் நடந்து செல்பவர்களும், இருசக்கர வாகனங்களில் செல்பவர்களும் மிகுந்த அச்சம் கொண்டுள்ளனர். மேலும் இப்பகுதியை சேர்ந்த பெற்றோர்கள் தங்கள் குழந்தைகளை வெளியில் அனுப்பவே அச்சப்படுகின்றனர். எனவே சம்பந்தப்பட்ட அதிகாரிகள் இதுகுறித்து நடவடிக்கை எடுக்க வேண்டும் என்று கேட்டுக்கொள்கிறோம்.