மற்றவை - Page 892

கரூர் மாவட்டம், கந்தம்பாளையம் அண்ணாநகர் செல்லும் பிரிவு சாலையிலிருந்து கொடுமுடி செல்லும் தார்சாலையின் இருபுறமும் கடந்த 50 ஆண்டுகளுக்கு முன்பு நிழல் தரும் மரங்களை அப்போதைய அரசு நட்டு வளர்த்து வந்தது. தற்போது பெரிய மரங்களாக உருவாகி இருக்கிறது. இந்நிலையில் சாலை விரிவாக்கம் என்ற பெயரில் ஒப்பந்ததாரர்கள் இருபுறமும் உள்ள அனைத்து மரங்களையும் தொடர்ந்து வெட்டி அகற்றி வருகின்றனர். இதனால் தார் சாலை நெடுகிலும் இருபுறமும் வெறிச்சோடி காட்சியளிக்கிறது. நீதிமன்றம் அவசரம் அவசியம் கருதி மரங்களை அகற்றும்போது அதன்...

ஆதரவு: 0

Enter Name and Email

Error in submitting

23 April 2023 11:53 AM GMT

லலிதா | புதுக்கோட்டை

#31326

விபத்து அபாயம்

புதுக்கோட்டை மாவட்டம், ஆலங்குடி தாலுகா, வடகாடு தெற்கு முக்கம் பகுதியில் குறுகலான வாடகை கட்டிடத்தில் இயங்கி வரும் ரேஷன் கடையில் பொருட்கள் வாங்க பொதுமக்கள் சாலையோரம் காத்திருக்கும் நிலை நீடித்து வருகிறது. மேலும் நெடுஞ்சாலை பகுதியில் அதி வேகமாக வாகனங்கள் வருவதால் பொருட்கள் வாங்க ரேஷன் கடை முன்பு நிற்கும் பொதுமக்கள் விபத்தில் சிக்கும் வாய்ப்பு அதிக அளவில் இருப்பதால், இந்த ரேஷன் கடையை இடமாற்றம் செய்து தர சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

23 April 2023 11:52 AM GMT

பொதுமக்கள் | புதுக்கோட்டை

#31321

தினத்தந்தி புகார் பெட்டிக்கு நன்றி

புதுக்கோட்டை மாவட்டம், திருவரங்குளம் மெயின் ரோட்டில் அரசு கட்டிடம் மிகவும் ஆபத்தான நிலையில் உள்ளது. இதனால் விபத்து ஏற்படும் அபாயம் உள்ளது என தினத்தந்தி புகார் பெட்டியில் செய்தி வெளியிடப்பட்டது. இதனை அறிந்த சம்பந்தப்பட்ட அதிகாரிகள் விரைந்து நடவடிக்கை எடுத்து சிதிலமடைந்த அரசு கட்டிடத்தை பொக்லைன் எந்திரம் மூலம் இடித்து அப்புறப்படுத்தினர். இதற்கு செய்தி வெளியிட்ட தினத்தந்தி புகார் பெட்டிக்கும், நடவடிக்கை எடுத்த அதிகாரிகளுக்கும் அப்பகுதி மக்கள் நன்றி தெரிவித்தனர்.

ஆதரவு: 0

Enter Name and Email

Error in submitting

23 April 2023 11:18 AM GMT

ஜெயராமன் | திருப்பூர் தெற்கு

#31318

தெருநாய்கள் தொல்லை

தெருநாய்கள் தொல்லைதிருப்பூர் பழைய கோர்ட்டு ரோட்டில் போலீஸ் குடியிருப்பு பகுதி மற்றும் வாலிபாளையம் பகுதியில் தெருநாய்களின் தொல்லை அதிகமாக உள்ளது.சிறுவர்-சிறுமிகளை துரத்தி கடிக்கிறது.மேலும் நாய்கள் சண்டையிட்டுக்கொண்டு வாகனங்களில் விழுந்து விபத்துகள் ஏற்படுகிறது. சம்பந்தப்பட்ட மாநகராட்சி அதிகாரிகள் தெருநாய்களை பிடித்து அப்புறப்படுத்த வேண்டும் என்று கேட்டுக்கொள்கிறோம்.ஜெயராமன்,வாலிபாளையம்.986234 37242

ஆதரவு: 0

Enter Name and Email

Error in submitting

23 April 2023 10:15 AM GMT

காளிதாஸ், கோத்தகிரி | குன்னூர்

#31311

புதர் செடிகள் அகற்றப்படுமா?

கோத்தகிரி கடைவீதி உழவர் சந்தை முதல் டோபிகானா வழியாக செல்லும் நீரோடை முழுவதும் புதர் செடிகள் அடர்ந்து வளர்ந்து உள்ளன. இதன் காரணமாக நீரோட்டம் தடைபட்டு வருகிறது. மேலும் மழைக்காலங்களில் வெள்ளம் பெருக்கெடுத்து ஓடும்போது, அருகில் உள்ள விளைநிலங்கள் மற்றும் குடியிருப்பு பகுதிகளில் தண்ணீர் புகுந்து விடுகிறது. இதனால் விவசாயிகள் மற்றும் பொதுமக்கள் பாதிக்கப்படுகிறார்கள். எனவே நீரோடையை ஆக்கிரமித்து வளர்ந்துள்ள புதர் செடிகளை வெட்டி அகற்ற நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

23 April 2023 9:34 AM GMT

ஜெகன் | பொள்ளாச்சி

#31308

தடுப்புச்சுவர் வேண்டும்

கோவை அருகே உள்ள சூலக்கல் பகுதியில் ஆறு ஓடுகிறது. இந்த ஆற்றங்கரையோரத்தில் தடுப்புச்சுவர் எதுவும் இல்லை. இதனால் அதனருகில் உள்ள சாலை வழியாக செல்லும் வாகனங்கள் கட்டுப்பாட்டை இழக்கும்போது, ஆற்றுக்குள் தவறி விழுந்து அசம்பாவிதம் ஏற்படும் நிலை உள்ளது. இதனால் வாகன ஓட்டிகள் அச்சத்துடன் சென்று வருகிறார்கள். இதுகுறித்து பலமுறை அதிகாரிகளிடம் கூறியும் நடவடிக்கை எடுக்கவில்லை. எனவே அந்த ஆற்றங்கரையில் சாலையையொட்டி தடுப்புச்சுவர் கட்ட வேண்டும்.

ஆதரவு: 0

Enter Name and Email

Error in submitting

23 April 2023 9:33 AM GMT

சண்முகராஜ் | கவுண்டம்பாளையம்

#31307

தெருநாய்கள் தொல்லை

கோவை இருட்டுப்பள்ளம் கிராமத்தில் தெருநாய்கள் தொல்ைல அதிகரித்து வருகிறது. அவை சாலைகளிலும், வீதிகளிலும் கூட்டம், கூட்டமாக சுற்றித்திரிகின்றன. இதனால் அந்த வழியாக வாகனங்களில் செல்பவர்கள், நடந்து செல்பவர்கள் அச்சமடைந்து வருகின்றனர். குறிப்பாக இருசக்கர வாகனங்களில் செல்பவர்கள் விபத்தில் சிக்கி விடுகின்றனர். குழந்தைகளை தெருநாய்கள் துரத்துவதால், அவர்கள் கீழே தவறி விழுந்து காயம் அடைகின்றனர். எனவே தெருநாய்கள் தொல்லையை கட்டுப்படுத்த வேண்டும்.

ஆதரவு: 0

Enter Name and Email

Error in submitting

23 April 2023 9:28 AM GMT

G.Aravinthan | கூடலூர்

#31304

ஒளிராத தெருவிளக்கு

கூடலூர்-ஓவேலி சாலையில் வ.உ.சி. தெருவுக்கு செல்லும் இணைப்பு சாலையில் உள்ள தெருவிளக்கு இரவில் ஒளிருவது இல்லை, இதனால் பெண்கள் குழந்தைகள் இரவில் நடந்து செல்ல அச்சப்படுகின்றனர். மேலும் காட்டுப்பன்றிகள் உள்ளிட்ட வனவிலங்குகள் நடமாட்டமும் அதிகரித்துள்ளது. இதனால் அசம்பாவித சம்பவங்கள் நடைபெற வாய்ப்பு உள்ளது. எனவே சம்பந்தப்பட்ட மின்வாரியத்துறையினர் தெருவிளக்கு சரிவர ஒளிர நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

23 April 2023 9:11 AM GMT

Kumar | கிணத்துக்கடவு

#31303

கனிம வளங்கள் கடத்தல்

கோவை அருகே கிணத்துக்கடவு மற்றும் அதன் சுற்றுவட்டார பகுதிகளில் இருந்து கேரளாவுக்கு லாரிகள் மூலம் இரவில் கனிம வளங்கள் கடத்தப்படுகின்றன. அதிவேகமாக இயக்கப்படும் அந்த லாரிகளால் விபத்துகளும் ஏற்பட்டு வருகின்றன. இதனால் அப்பகுதி மக்கள் அச்சமடைந்து உள்ளனர். மேலும் அரசுக்கும் வருவாய் இழப்பு ஏற்படுகிறது. எனவே கனிம வளங்கள் கடத்தலை தடுக்க அதிகாரிகள் தீவிர நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

23 April 2023 7:41 AM GMT

முஹம்மது ரபீக் | கன்னியாகுமரி

#31301

அகற்றப்படுமா?

பூதப்பாண்டி பேரூராட்சிக்கு உட்பட்ட திட்டுவிளை பிடாரங்குழி உள்ளது. இந்த பகுதியில் சாலையில் வாகனங்கள், பொதுமக்கள் செல்வதற்கு இடையூறாக குடிநீர் அடிபம்பு குழாய் அமைக்கப்பட்டுள்ளது. பழுதடைந்த நிலையில் காணப்படும் இந்த குழாயால் யாருக்கும் எந்த பயனும் இல்லை. எனவே, இந்த அடிபம்பு குழாய்யை அகற்ற சம்பந்தப்பட்ட அதிகாரிகள் நடவடிக்கை எடுக்க வேண்டும்.-முஹம்மது ரபீக், திட்டுவிளை.

ஆதரவு: 0

Enter Name and Email

Error in submitting

19 April 2023 5:37 PM GMT

பொதுமக்கள் | கடலூர்

#31293

படிக்கட்டில் ஆபத்தான பயணம்

விருத்தாசலத்தில் அரசு கொளஞ்சியப்பர் கல்லூரி அமைந்துள்ளது. இக்கல்லூரிக்கு கடலூர் மாவட்டம் மட்டும் இன்றி விழுப்புரம், கள்ளக்குறிச்சி போன்ற பகுதி்யில் இருந்தும் ஏராளமான மாணவர்கள் கல்வி பயின்று வருகின்றனர். இந்நிலையில் கல்லூரிக்கு செல்ல போதுமான அளவு பஸ் வசதி் இல்லாததால், படிக்கட்டுகளில் மாணவர்கள் ஆபத்தான பயணம் செய்து வருகின்றனர். எனவே விபரீதம் நிகழும் முன் கல்லூரி நேரங்களில் கூடுதல் பஸ் வசதி ஏற்படுத்தி தர போக்குவரத்து துறை அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

19 April 2023 5:36 PM GMT

பொதுமக்கள் | கடலூர்

#31289

ஆக்கிரமிப்பு அகற்றப்படுமா?

கடலூர் அருகே காரமணிக்குப்பத்தில் உள்ள வி.எஸ்.எல். நகரில் இருந்து பாலாஜி நகருக்கு செல்லும் பகுதியை தனிநபா் ஆக்கிரமித்து மதில்சுவர் அமைத்துள்ளார். இதனால் அப்பகுதி மக்கள் வெகுதூரம் சுற்றிச்செல்லும் நிலை உள்ளதால், பெரும் சிரமம் அடைந்து வருகின்றனர். எனவே ஆக்கிரமிப்பை அகற்ற அதிகாரிகள் நடவடிக்கை எடுக்க வேண்டும்.

ஆதரவு: 0