மற்றவை - Page 575

கரூர் மாவட்டம் சேமங்கி எம்.ஜி.ஆர்.நகர் அருகே செல்வநகர் பகுதியில் உள்ள பெண்களின் நலன் கருதி சுகாதார கழிப்பிட வளாகம் கட்டப்பட்டுள்ளது. இந்த சுகாதார வளாகம் கட்டப்பட்டு பல ஆண்டுகள் ஆனதால் தற்போது பராமரிப்பு இன்றி சிதிலமடைந்து காணப்படுகிறது. தற்போது இந்த சுகாதார வளாகம் பூட்டப்பட்டுள்ளதால் இப்பகுதி பெண்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

10 Dec 2023 11:16 AM GMT

G.Aravinthan | கூடலூர்

#42721

கூடுதல் பஸ்கள் வேண்டும்

பந்தலூர் தாலுகா பாட்டவயலில் இருந்து கூடலூருக்கு போதிய பஸ்கள் இல்லை. இதனால் பாட்டவயல் மற்றும் அதன் சுற்றுவட்டார பகுதி பொதுமக்கள் பெரும் சிரமம் அடைந்து வருகின்றனர். மேலும் ஆட்டோ, ஜீப்புகளில் அதிக கட்டணம் செலுத்தி பயணம் செய்ய வேண்டிய நிலை உள்ளது. அன்றாட கூலி வேலை செய்யும் அப்பகுதி மக்களால் இந்த செலவை சமாளிக்க முடியவில்லை. எனவே கூடலூரில் இருந்து பாட்டவயலுக்கு கூடுதல் பஸ்கள் இயக்க அரசு போக்குவரத்துக்கழக அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

10 Dec 2023 11:01 AM GMT

G.Aravinthan | கூடலூர்

#42718

ஒளிராத தெருவிளக்குகள்

கூடலூர்-ஓவேலி சாலையில் ராக்லேண்ட் தெருவில் உள்ள மின்கம்பங்களில் சில தெருவிளக்குகள் பழுதடைந்து ஒளிராமல் கிடக்கிறது. இதன் காரணமாக அந்த தெருவில் முக்கிய இடங்கள் இருள் சூழ்ந்து காணப்படுகின்றன. இதனால் இரவில் அந்த இடங்கள் வழியாக செல்லும் பொதுமக்கள் அச்சத்துடன் செல்லும் நிலை உள்ளது. இருளை பயன்படுத்தி திருட்டு உள்ளிட்ட குற்ற சம்பவங்கள் நடைபெற வாய்ப்பு இருக்கிறது. எனவே பழுதான தெருவிளக்குகளை சீரமைத்து மீண்டும் ஒளிர வைக்க அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

10 Dec 2023 10:57 AM GMT

மோகன்தாஸ், மேட்டுப்பாளையம் | குன்னூர்

#42717

கட்டிட கழிவுகள்

கோத்தகிரி டானிங்டன் பகுதியில் இருந்து கொணவக்கரை பிரிவு சந்திப்பில் உள்ள சாலையோரத்தில் கட்டிட கழிவுகள் அதிகளவில் கொட்டப்படுகின்றன. இதன் காரணமாக அந்த சாலை அகலம் குறைந்து காணப்படுகிறது. இதனால் அங்கு போக்குவரத்துக்கு இடையூறு ஏற்படுகிறது. மேலும் கட்டிட கழிவுகளின் மீது வாகனங்கள் மோதி விபத்தில் சிக்கும் அபாயம் காணப்படுகிறது. எனவே அந்த கட்டிட கழிவுகளை அகற்றவும், மீண்டும் கொட்டாமல் தடுக்கவும் அதிகாரிகள் ஆவன செய்ய வேண்டும்.

ஆதரவு: 0

Enter Name and Email

Error in submitting

10 Dec 2023 10:08 AM GMT

Mr.R.Maharaja | அவினாசி

#42714

சேதம் அடைந்த பள்ளிக்கூடம் நுழைவு வாயில் வளைவு

அவினாசி பழங்கரை ஊராட்சி பெரியாயிபாளையம் கிராமத்தில் திருவள்ளுவர் அரசு மேல்நிலைப்பள்ளி செயல்பட்டு வருகிறது. இந்த பள்ளியின் ஆர்ச் மழை மற்றும் காற்றினால் சேதம் அடைந்து பல ஆண்டுகள் ஆகியும் இன்னும் பள்ளி நிர்வாகம் சரி செய்ய நடவடிக்கை எடுக்கவில்லை. எனவே அசம்பாவிதம் நடக்கும்முன்பு துர்பிடித்த ஆர்ச்சை அப்புறப்படுத்தி புதிய வளைவு கட்ட வேண்டும்.

ஆதரவு: 0

Enter Name and Email

Error in submitting

10 Dec 2023 10:06 AM GMT

நஞ்சுண்டமூர்த்தி | அவினாசி

#42713

சாலையோரம் ெகாட்டப்பட்டுள்ள மருந்து-மாத்திரைகள்

சேவூர் அருகே கோபி - கோவை மெயின் ரோடு பாப்பாங்குளம் ஊராட்சி உட்பட்டநட்டுக்கோட்டையான் பிரிவு திவ்யலட்சுமி ஸ்பின்னிங் மில் அருகில் மருந்து மாத்திரைகளை முகப்பு சாலையின் ஓரத்தில் கொட்டப்பட்டுள்ளது. இது குறித்து அதிகாரிகள் ஆய்வு செய்து நடவடிக்கை எடுக்க வேண்டும்-------------

ஆதரவு: 0

Enter Name and Email

Error in submitting

10 Dec 2023 9:57 AM GMT

Mr.R.Maharaja | பல்லடம்

#42710

பூட்டிக்கிடக்கும் சுகாதார வளாகம்

பல்லடம் பஸ் நிலையத்தில் உள்ள கட்டண சுகாதார வளாகம் கடந்த 10 நாட்களுக்கு மேலாக பராமரிப்பு பணி மேற்கொள்வதற்காக பூட்டப்பட்டுள்ளது. இதனால் வெளியூர் பயணிகள் கடும் அவதிக்குள்ளாகி வருகின்றனர். இலவச சுகாதார வளாகத்தில் போதுமான சுகாதாரம் இல்லாததால் பயணிகள் கட்டண சுகாதார வளாகத்தை தேடி வருகின்றனர். எனவே பராமரிப்பு பணிகளை விரைவாக முடித்து சுகாதார வளாகத்தை திறக்க வேண்டும்.

ஆதரவு: 0

Enter Name and Email

Error in submitting

10 Dec 2023 8:45 AM GMT

டெகோசிங் ராஜன் | நாகர்கோவில்

#42705

போக்குவரத்துக்கு இடையூறு

நாகர்கோவில் வேதநகரில் இருந்து மீன் கடை செல்லும் சாலை உள்ளது. இந்த சாலையில் இரவு நேரங்களில் மாடுகள் போக்குவரத்துக்கு இடையூறாக சாலையில் நிற்கின்றன. இதனால் அந்த வழியாக செல்லும் வாகன ஓட்டிகள் மிகுந்த சிரமத்துக்கு ஆளாகுகிறார்கள். மேலும் விபத்திலும் சிக்கி வருகிறார்கள். எனவே சம்பந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

3 Dec 2023 5:48 PM GMT

பொது மக்கள் | கள்ளக்குறிச்சி

#42701

பயணிகள் நிழற்குடை ஆக்கிரமிப்பு

தியாகதுருகம் பேருந்து நிறுத்தத்தில் பயணிகள் நிழற்குடை அமைக்கப்பட்டுள்ளது. இந்த பயணிகள் நிழற்குடை இருப்பது பயணிகளுக்கு தெரியாத வகையில் அங்கு ஆக்கிரமிப்பு செய்து தள்ளுவண்டிகள், ஆட்டோக்கள் நிறுத்தப்பட்டுள்ளன. இதனால் அங்கு பஸ்சுக்காக சாலையில் காத்திருக்கும் பயணிகள் மழையில் நனைந்தும், வெயிலில் காய்ந்தும் வருவதால் அவர்கள் பெரும் சிரமம் அடைந்து வருகின்றனர். இதை தவிர்க்க அதிகாரிகள் உரிய நடவடிக்கை எடுப்பார்களா?.

ஆதரவு: 0

Enter Name and Email

Error in submitting

3 Dec 2023 5:48 PM GMT

பொது மக்கள் | உளுந்தூர்ப்பேட்டை

#42700

பன்றிகள் தொல்லை

உளுந்தூர்பேட்டை அருகே எலவனாசூர்கோட்டை இந்திரா நகரில் பன்றிகள் கூட்டம் கூட்டமாக சுற்றித்திரிகின்றன. இவைகள் குடியிருப்புக்குள் புகுந்து சுகாதார சீர்கேட்டை ஏற்படுத்தி வருவதால் அப்பகுதி மக்கள் பெரும் சிரமம் அடைந்து வருகின்றனர். எனவே குடியிருப்புக்குள் சுற்றித்திரியும் பன்றிகளை கட்டுப்படுத்த அதிகாரிகள் நடவடிக்கை எடுக்க வேண்டும் என பொதுமக்கள் எதிர்பார்த்து வருகின்றனர்.

ஆதரவு: 0

Enter Name and Email

Error in submitting

3 Dec 2023 5:48 PM GMT

மாநகர மக்கள் | கள்ளக்குறிச்சி

#42698

கால்வாய் பாலம் பயன்பாட்டிற்கு வருமா?

கள்ளக்குறிச்சி அருகே சூளாங்குறிச்சியில் இருந்து பல்லகச்சேரிக்கு செல்லும் சாலையில் உள்ள கால்வாயில் போக்குவரத்து வசதிக்காக புதிதாக பாலம் கட்டப்பட்டுள்ளது. இருப்பினும் அதனை மக்கள் பயன்பாட்டுக்கு கொண்டு வர நடவடிக்கை எடுக்கப்படவில்லை. இதனிடையே அங்கு தற்காலிகமாக அமைக்கப்பட்ட சாலை மழைக்காலங்களில் சேறும், சகதியுமாக காணப்படுவதால் வாகன ஓட்டிகள் பெரும் அவதி அடைந்து வருகின்றனர். எனவே வாய்க்கால் பாலத்தை விரைந்து மக்கள் பயன்பாட்டுக்கு கொண்டு வர வேண்டும்.

ஆதரவு: 0

Enter Name and Email

Error in submitting

3 Dec 2023 5:47 PM GMT

பொது மக்கள் | சங்கராபுரம்

#42697

டாஸ்மாக் கடையால் மாணவிகள் அச்சம்

சங்கராபுரம் அருகே கடுவனூரில் அரசு மேல்நிலைப்பள்ளிக்கு செல்லும் சாலையில் டாஸ்மாக் கடை இயங்கி வருகிறது. இந்த கடையில் மதுவாங்கி குடிக்கும் மதுபிரியர்கள், போதை தலைக்கேறியதும் அந்த வழியாக செல்லும் மாணவிகளிடம் தகராறில் ஈடுபட்டு வருகின்றனர். இதனால் மாணவிகள் பள்ளிக்கு செல்ல பெரும் அச்சமடைந்து வருகின்றனர். எனவே அந்த டாஸ்மாக் கடையை உடனே அகற்ற மாவட்ட நிர்வாகம் நடவடிக்கை எடுக்க வேண்டியது அவசியம்.

ஆதரவு: 1