மற்றவை - Page 1149

தஞ்சை மாவட்டம் பூதலூர் ஒன்றியம் தொண்டராயன்பாடி கிராமத்தில் கொசுத்தொல்லை அதிகளவில் உள்ளது. இதன்காரணமாக இரவு நேரங்களில் பொதுமக்கள் மிகுந்த சிரமத்துக்குள்ளாகி வருகின்றனர். குறிப்பாக கொசுக்கடியினால் குழந்தைகள் நோய்களில் சிக்கிக்கொள்கின்றனர். மேலும், கொசுக்களால் சுகாதார சீர்கேடு ஏற்பட்டு தொற்று நோய்கள் பரவும் அபாயம் உள்ளது. எனவே, சம்பந்தப்பட்ட அதிகாரிகள் மேற்கண்ட பகுதியில் கொசுமருந்து அடிக்க நடவடிக்கை எடுக்க வேண்டும் என பொதுமக்கள் கோரிக்கைவிடுத்துள்ளனர்.

ஆதரவு: 0

Enter Name and Email

Error in submitting

18 Dec 2022 10:55 AM GMT

ராஜா | மதுரை தெற்கு

#23724

பொதுமக்கள் அச்சம்

மதுரை மாவட்டம் சோழவந்தான் பகுதியில் நாய்கள் அதிகமாக சுற்றி திரிகின்றன. இதனால் இப்பகுதியில் உள்ள பொதுமக்கள் வெளியே செல்ல மிகவும் அச்சப்படுகின்றனர். எனவே இந்த நாய்களை பிடிக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

18 Dec 2022 10:53 AM GMT

பொதுமக்கள் | தஞ்சாவூர்

#23723

கோபுரத்தில் வளர்ந்துள்ள செடிகள் அகற்றப்படுமா?

தஞ்சை மாவட்டம் கும்பகோணத்தில் பிரசித்திப்பெற்ற சக்கரபாணி கோவில் உள்ளது. இந்த கோவிலுக்கு உள்ளூர் மட்டுமின்றி வெளிமாவட்டங்களில் இருந்தும் ஏராளமான பக்தர்கள் வந்து செல்கின்றனர். இந்த நிலையில் கோவில் கோபுரத்தில் ஆங்காங்கே செடிகள் வளர்ந்துள்ளன. இதனால் கோபுரத்தின் உறுதித்தன்மைக்கு ஆபத்து ஏற்படும் நிலை உருவாகி உள்ளது. எனவே, சம்பந்தப்பட்ட அதிகாரிகள் கோபுரத்தில் வளர்ந்துள்ள செடிகளை அகற்ற நடவடிக்கை எடுக்க வேண்டும் என்பதே பொதுமக்கள், பக்தர்களின் கோரிக்கையாகும். .

ஆதரவு: 0

Enter Name and Email

Error in submitting

18 Dec 2022 10:46 AM GMT

ஜெயசீலன், கோத்தகிரி | குன்னூர்

#23719

தடுப்புச் சுவர் கட்டப்படுமா?

கோத்தகிரி கடைவீதி அருகே உள்ள பொது மயானம் உரிய பராமரிப்பின்றி உள்ளதுடன் நீரோடையை ஓட்டிச் செல்லும் பகுதியில் தடுப்புச் சுவர் இல்லாமல் உள்ளது. அங்கு சுற்றுச்சுவர் கட்டப்படாததால் வன விலங்குகள் மயானதிற்குள் நுழைந்து முகாமிட்டு வருகின்றன. இதனால் பொதுமக்கள் இறந்தவர்களின் உடல்களை அடக்கம் செய்ய செல்வதில் சிரமம் ஏற்படுகிறது. எனவே மயானத்தில் தடுப்புச் சுவர் கட்ட உரிய நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

18 Dec 2022 10:44 AM GMT

ஜெயசீலன், கோத்தகிரி | குன்னூர்

#23718

பயனற்ற கட்டிடங்கள் பயன்பாட்டிற்கு வருமா?

கோத்தகிரியில் உள்ள மாவட்ட ஆசிரியர் பயிற்சி நிறுவன வளாகத்தில் ஏற்கனவே கட்டப்பட்ட பழைய மாணவ, மாணவியர் விடுதிகள், குடியிருப்புகள் உள்ளிட்டவை பயனின்றி கிடக்கின்றன. இந்தக் கட்டிடங்களை பராமரித்து, சொந்தக் கட்டிடம் இல்லாத பிற துறை அரசு அலுவலகம் அமைக்கவோஅல்லது மாற்று பயன்பாட்டிற்கு பயன்படுத்தி அரசுப் பணம் விரையமாகாமல் தடுக்க மாவட்ட நிர்வாகம் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

18 Dec 2022 10:26 AM GMT

Mr.Pavithran | பெங்களூரு

#23717

ஆறுபோல் ஓடும் கழிவுநீர்

பெங்களூரு கனகப்பா லேஅவுட் மேடஹள்ளி பகுதியில் சாலையின் நடுவே பாதாள சாக்கடை உள்ளது. கடந்த சில நாட்களாக அந்த சாக்கடை நிரம்பி கழிவுநீர் சாலையில் ஆறுபோல் பாய்கிறது. இதனால் அந்த பகுதியில் சுகாதார சீர்கேடு ஏற்படும் அபாயம் உள்ளது. எனவே மாநகராட்சி அதிகாரிகள் கழிவுநீரை அகற்ற நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

18 Dec 2022 10:25 AM GMT

Mr.Pavithran | பெங்களூரு

#23716

குழாய் அமைக்கும் பணியால் பாதிப்பு

பெங்களூரு எச்.பி.ஆர். லேஅவுட் பகுதியில் சாலையின் ஓரத்தில் குழாய் அமைக்கும் பணிகள் நடந்து வருகிறது. இதற்காக சாலையில் நீண்ட தூரத்திற்கு பள்ளம் தோண்டப்பட்டுள்ளது. அந்த பள்ளத்தால், பாதசாரிகள் அவதி அடைகின்றனர். அவர்கள் சாலையில் செல்லும் போது பின்னால் வரும் வாகனங்கள் மோதுவதற்கு வாய்ப்பு உள்ளதால் விரைவாக அந்த பணிகளை முடிக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

18 Dec 2022 10:24 AM GMT

Mr.Pavithran | பெங்களூரு

#23715

பெயர்ந்து கிடக்கும் ஜல்லிகற்கள்

பெங்களூரு லிங்கராஜாபுரம் பகுதியில் உயர்நிலை பள்ளிக்கு எதிரே உள்ள சாலை மிகவும் மோசமான நிலையில் உள்ளது. அந்த சாலையில் உள்ள கற்கள் பெயர்ந்து கிடக்கின்றன. இதனால் அந்த சாலையை பயன்படுத்த முடியாமல் வாகன ஓட்டிகள் அவதி அடைகின்றனர். எனவே மாநகராட்சி அதிகாரிகள் விரைவாக நடவடிக்கை எடுத்து சாலையை சீரமைக்க வேண்டும்.

ஆதரவு: 0

Enter Name and Email

Error in submitting

18 Dec 2022 10:23 AM GMT

Mr.Pavithran | பெங்களூரு

#23714

ஆபத்தான சாலை பள்ளங்கள்

பெங்களூரு கசவனஹள்ளி சாலையில் சூடசந்திரா சர்க்கிள் மற்றும் அம்ருதா என்ஜினீயரிங் கல்லூரி இடையே உள்ள சாலையில் ஆங்காங்கே குழிகள் ஏற்பட்டுள்ளன. இதனால் அந்த சாலையை பயன்படுத்த முடியாமல் வாகன ஓட்டிகள் அவதி அடைகின்றனர். மேலும், அடிக்கடி சாலை பள்ளங்களால் விபத்துகள் ஏற்படுகின்றன. எனவே சம்பந்தப்பட்ட அதிகாரிகள் அந்த பள்ளத்தை உடனடியாக சரிசெய்ய வேண்டும்.

ஆதரவு: 0

Enter Name and Email

Error in submitting

18 Dec 2022 10:21 AM GMT

Mr.Pavithran | பெங்களூரு

#23713

மின் இணைப்பு பெட்டியால் மக்கள் அவதி

பெங்களூரு புருண்டன் ரோடு கிராஸ் பகுதியில் சாலையின் சந்திப்பு பகுதியில் மின் இணைப்பு பெட்டி உள்ளது. சந்திப்பு பகுதியில் உள்ளதால், சாலையை கடந்து செல்பவர்கள் அதன் அருகில் செல்லும்போது மின்சாரம் தாக்கி உயிரிழக்க வாய்ப்புள்ளது. எனவே மாநகராட்சி அதிகாரிகள் அந்த பகுதியில் உள்ள மின் இணைப்பு பெட்டியை வேறு இடத்திற்கு மாற்ற வேண்டும்.

ஆதரவு: 0

Enter Name and Email

Error in submitting

14 Dec 2022 5:43 PM GMT

கிராம மக்கள் | கள்ளக்குறிச்சி

#23705

குரங்குகள் தொல்லை

கல்வராயன்மலை பகுதியில் குரங்குகள் தொல்லை அதிகமாக உள்ளது. இவைகள் வீடுகளுக்குள் புகுந்து பொருட்களை நாசம் செய்வதோடு, அருகில் விரட்ட வருபவர்களையும் கடிக்க சீரிப்பாய்கின்றன. மேலும் தெருக்களில் நடந்து செல்லும் குழந்தைகள் கையில் இருக்கும் திண்பண்டங்களை பிடிங்கி செல்கின்றன. எனவே குரங்குகளை கூண்டு வைத்து பிடிக்க அதிகாாிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

14 Dec 2022 5:43 PM GMT

பொதுமக்கள் | விழுப்புரம்

#23703

இடிந்து விழும் நிலையில் ரேஷன் கடை கட்டிடம்

திருவெண்ணெய்நல்லூர் தாலுகா காந்திக்குப்பம் பகுதியில் சுமார் 25 ஆண்டுகளுக்கு மேலாக இயங்கி வரும் ரேஷன் கடை கட்டிடம் சேதமடைந்து எந்த நேரத்திலும் இடிந்து விழும் நிலையில் உள்ளது. இதனால் ரேஷன் பொருட்கள் வாங்க வரும் பொதுமக்கள் ஒருவித அச்சத்துடனே வந்து செல்கின்றனர். எனவே சேதமடைந்த கட்டிடத்தை இடித்து அப்புறப்படுத்தி விட்டு, புதிதாக கட்டிடம் கட்டித்தர அதிகாரிகள் நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.

ஆதரவு: 0