மற்றவை - Page 112

சென்னை போரூர், ஆற்காடு சாலையை தினமும் ஏராளமான பொதுமக்கள் பயன்படுத்தி வருகிறார்கள். இந்தசாலையில் போரூர் சிக்னல் அருகே மாநகராட்சி பணிக்காக பள்ளம் தோண்டப்பட்டது. தற்போது, அந்த பள்ளம் அருகில் எந்த ஒரு தடுப்பும் அமைக்கப்படாமலும், பள்ளம் மூடப்படாமலும் உள்ளது. இதனால் இந்த சாலையில் அடிக்கடி விபத்துக்கள் ஏற்படுவதோடு, வாகன போக்குவரத்தும் பாதிக்கப்படுகிறது. எனவே, வாகன ஓட்டிகளின் சிரமத்தை கருத்தில் கொண்டு சம்பந்தப்பட்ட துறை அதிகாரிகள் பள்ளத்தை மூட உடனடியாக நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

8 Jun 2025 2:26 PM GMT

அகமது | சென்னை

#56714

பொதுமக்கள் அவதி

சென்னை புரசைவாக்கம், பிஷப் லேன் தெருவின் பிரதான சாலை குண்டும் குழியுமாக உள்ளது. மழைக்காலங்களில் இந்த சாலையில் மழைநீர் தேங்கி குளம் போன்று காட்சியளிக்கிறது. பள்ளிக்கு செல்லும் மாணவர்கள், வேலைக்கு செல்பவர்கள், வாகனஓட்டிகள் என இந்த வழியாக செல்லும் பலதரப்பட்ட மக்கள் பாதிப்புக்கு உள்ளாகின்றனர். எனவே மாநகராட்சி அதிகாரிகள் இந்த சாலையை உடனடியாக சீரமைக்க வேண்டும்.

ஆதரவு: 0

Enter Name and Email

Error in submitting

8 Jun 2025 2:19 PM GMT

பொதுமக்கள் | விருதுநகர்

#56712

பெயர் பலகை வைக்கப்படுமா?

மேலச்சின்னையாபுரம் ஊராட்சிக்குட்பட்ட எல்லையில் மேலச்சின்னையாபுரம் என்ற ஊர் பெயர் பலகை இல்லை. இதனால் வெளியூரில் இருந்து வருபவர்கள் பெரிதும் சிரமப்படுகின்றனர். எனவே சம்பந்தப்பட்ட அதிகாரிகள் அப்பகுதியில் ஊர் பெயர் பலகை வைக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

8 Jun 2025 2:16 PM GMT

ராஜசேகர் | சாத்தூர்

#56711

நாய்கள் தொல்லை

சாத்தூர் மற்றும் அதன் சுற்றுவட்டார பகுதிகளில் தெருநாய்கள் தொல்லை அதிக அளவில் உள்ளது. இந்த நாய்கள் அப்பகுதியல் நடந்து செல்லும் பொதுமக்கள் மற்றும் பள்ளிக்கு செல்லும் மாணவ-மாணவிகளை துரத்தி சென்று கடிக்கிறது. இதனால் அப்பகுதியில் உள்ள மக்கள் பெரும் இன்னலுக்கு ஆளாகின்றனர். எனவே பொதுமக்களுக்கு இடையூறு விளைவிக்கும் நாய்களை பிடித்து அப்புறப்படுத்த சம்பந்தப்பட்ட அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

8 Jun 2025 2:07 PM GMT

வினோத் கண்ணன் | விருதுநகர்

#56708

கண்மாய் தூர்வாரப்படுமா?

விருதுநகரை அடுத்த ஆமத்தூர் பகுதியில் உள்ள கண்மாயில் ஆகாயத்தாமரை படர்ந்து வளர்ந்து உள்ளது. இதனால் நீர் நிலை முற்றிலுமாக மாசடைகிறது. மேலும் கண்மாயில் மண் அதிக அளவில் உள்ளதால் சிறு மழை பெய்தாலும் தண்ணீர் நிரம்பி வெளியேறி விடுகின்றது. எனவே சம்பந்தப்பட்ட அதிகாரிகள் கண்மாயில் வளர்ந்துள்ள ஆகாயத்தாமரை மற்றும் குவிந்து கிடக்கும் மண்ணையும் முற்றிலுமாக அகற்றி கண்மாயை தூர்வார வேண்டும் என அப்பகுதி மக்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

8 Jun 2025 12:27 PM GMT

சாரா ஏஞ்சல் ரோஸினி | தூத்துக்குடி

#56706

ஒளிராத தெருவிளக்கு

தூத்துக்குடி மாப்பிள்ளையூரணி மாதாநகர் 5-வது தெருவில் கடந்த சில நாட்களாக தெருவிளக்குகள் எரியவில்லை. இதனால் பொதுமக்கள் இரவில் வெளியில் செல்வதற்கு அச்சப்படுகின்றனர். எனவே தெருவிளக்குகள் மீண்டும் ஒளிர்வதற்கு அதிகாரிகள் ஏற்பாடு செய்ய வேண்டுகிறேன்.

ஆதரவு: 0

Enter Name and Email

Error in submitting

8 Jun 2025 12:19 PM GMT

சுந்தரி செல்வா | ஓட்டப்பிடாரம்

#56705

தெருவிளக்கு தேவை

தூத்துக்குடியை அடுத்த புதுக்கோட்டையில் இருந்து கூட்டாம்புளி செல்லும் வழியில் செல்வபாக்கியம் நகர் பகுதியில் தெருவிளக்குகள் இல்லை. மேலும் அங்கு முட்செடிகள் அடர்ந்து வளர்ந்துள்ளதால் சமூக விரோதிகள் அங்கு மதுபான பாட்டில்களை போட்டுவிட்டு செல்கின்றனர். மேலும் விஷப்பூச்சிகள் நடமாட்டமும் உள்ளது. எனவே அந்த பகுதியில் தெருவிளக்குகள் அமைக்கவும், முட்செடிகளை அகற்றவும் அதிகாரிகள் நடவடிக்கை மேற்கொள்ள வேண்டுகிறேன்.

ஆதரவு: 0

Enter Name and Email

Error in submitting

8 Jun 2025 12:55 PM GMT

ரவிச்சந்திரன் | இராதாபுரம்

#56703

சரிந்து கிடக்கும் வழிகாட்டி பலகை

ராதாபுரம் தாலுகா பரமேஸ்வரபுரம்- கூடங்குளம் சாலையில் அமைக்கப்பட்ட வழிகாட்டி பலகை சரிந்து சாலையோர பள்ளத்தில் கிடக்கிறது. இதனால் வெளியூர் பயணிகள் வழி தெரியாமல் சிரமப்படுகின்றனர். எனவே வழிகாட்டி பலகையை சாலையோரம் அமைப்பதற்கு அதிகாரிகள் ஏற்பாடு செய்ய வேண்டுகிறேன்.

ஆதரவு: 0

Enter Name and Email

Error in submitting

8 Jun 2025 12:13 PM GMT

திருக்குமரன் | கடையநல்லூர்

#56701

புகாருக்கு உடனடி தீர்வு

கடையம் அருகே பொட்டல்புதூர் அரசு பள்ளி அருகில் சாலையில் உள்ள வேகத்தடைக்கு வெள்ளைநிற வர்ணம் பூசப்படவில்லை என்று திருக்குமரன் என்பவர் அனுப்பிய பதிவு ‘தினத்தந்தி’ புகார் பெட்டியில் வெளியானது. இதையடுத்து அங்கு வேகத்தடைக்கு வெள்ளைநிற வர்ணம் பூசப்பட்டது. கோரிக்கை நிறைவேற உறுதுணையாக இருந்த ‘தினத்தந்தி’க்கும், நடவடிக்கை மேற்கொண்ட அதிகாரிகளுக்கும் அவர் நன்றியும் பாராட்டும் தெரிவித்தார்.

ஆதரவு: 0

Enter Name and Email

Error in submitting

8 Jun 2025 12:13 PM GMT

கிறிஸ்டோபர் | கடையநல்லூர்

#56700

புதிய தடுப்பணை வேண்டும்

கடையம் யூனியன் மேல ஆம்பூர் பஞ்சாயத்து கருத்தப்பிள்ளையூரில் கடனா ஆற்றில் உறைகிணறு அருகே பழைய கிராமம் செல்லும் வழியில் தடுப்பணை இருந்தது. கடந்த பருவமழையின்போது ஏற்பட்ட வெள்ளத்தில் தடுப்பணையில் உடைப்பு ஏற்பட்டு அடித்து செல்லப்பட்டது. அது இன்னும் சீரமைக்கப்படவில்லை. எனவே அங்கு புதிய தடுப்பணை கட்டுவதற்கு அதிகாரிகள் நடவடிக்கை எடுக்க வேண்டுகிறேன்.

ஆதரவு: 0

Enter Name and Email

Error in submitting

8 Jun 2025 12:13 PM GMT

சீமான் | வாசுதேவநல்லூர்

#56699

கால்வாய் தூர்வாரப்படுமா?

வாசுதேவநல்லூருக்கு தெற்கே வெள்ளானைக்கோட்டை கால்வாய், துளுவர்குளம் கால்வாயில் சீமைக்கருவேல மரங்கள், புதர்செடிகள் அடர்ந்து வளர்ந்துள்ளன. இதனால் மழைக்காலத்தில் கால்வாயில் தண்ணீர் செல்வதில் சிரமம் ஏற்படுகிறது. எனவே கால்வாய்களை தூர்வாருவதற்கு அதிகாரிகள் ஏற்பாடு செய்வார்களா?.

ஆதரவு: 0

Enter Name and Email

Error in submitting

8 Jun 2025 11:53 AM GMT

குமார் | அரக்கோணம்

#56698

பயணிகள் நிழற்குடை வசதி தேவை

அரக்கோணம்-காஞ்சீபுரம் மார்க்கத்தில் உள்ள எஸ்.ஆர்.கேட் பகுதியில் பஸ்சுக்காகக் காத்திருக்கும் பயணிகளுக்கு நிழற்குடை வசதி இல்லை. இதனால் பயணிகள், பள்ளி, கல்லூரி மாணவ-மாணவிகள் மழை, வெயிலில் காத்திருக்க வேண்டிய அவலம் ஏற்படுகிறது. எம்.பி. மற்றும் எம்.எல்.ஏ. தொகுதி மேம்பாட்டு நிதியில் இருந்து எஸ்.ஆர்.கேட் பஸ் நிறுத்தத்தில் பயணிகள் நிழற்குடை அமைக்க அதிகாரிகள் ஏற்பாடு செய்ய வேண்டும். -குமார், அரக்கோணம்.

ஆதரவு: 1