'தினத்தந்தி'க்கு பாராட்டு

ஈரோடு ரெயில் நிலைய 3-வது நடைமேடையில் பயணிகள் காத்திருப்பு அறை உள்ளது. இதன் அருகே பயணிகள் அமர்ந்து இருப்பதற்காக இருக்கைகள் அமைக்கப்பட்டு உள்ளன. அதன் அருகில் தரைமட்டத்தில் இருந்து 4 ஆணிகள் ஆபத்தான நிலையில் வெளியே நீண்டுகொண்டு இருந்தது. இதனால் அந்த வழியாக செல்லும் பயணிகளின் கால்களில் ஆணிகள் குத்தி பதம்பார்க்கும் நிலையில் இருந்தது. இதனை உடனே சம்பந்தப்பட்ட அதிகாரிகள் அகற்ற வேண்டும் என்று 'தினத்தந்தி' புகார் பெட்டி பகுதியில் படத்துடன் செய்தி வெளியானது. இதனைத்தொடர்ந்து அதிகாரிகள் அங்கு இருந்த ஆபத்தான ஆணிகளை அகற்றி நடவடிக்கை எடுத்தனர். பயணிகளின் நலன் கருதி செய்தி வெளியிட்ட 'தினத்தந்தி' நாளிதழுக்கும், நடவடிக்கை எடுத்த அதிகாரிகளுக்கும் நன்றியையும், பாராட்டுகளையும் தெரிவித்துக்கொள்கிறோம்.