வடிகால் வசதி வேண்டும்

திருவாரூர் மாவட்டம் அடியக்கமங்கலம் ஊராட்சியின் மேலத்தெருவில் 200-க்கும் மேற்பட்டோர் வசித்து வருகின்றனர். இந்த பகுதியில் போதிய வடிகால் வசதி இல்லை. இதனால் மழைக்காலங்களில் தண்ணீர் சாலையில் தேங்கி காணப்படுகிறது. மேலும் வீடுகளில் வாசல்களில் தேங்கி குளம் போல் காட்சி அளிக்கிறது. இதனால் கொசுக்கள் உற்பத்தியாகி தொற்று நோய் பரவும் அபாயம் உள்ளது.எனவே சம்பந்தப்பட்ட அதிகாரிகள் உரிய நடவடிக்கை எடுத்து வடிகால் வசதி ஏற்படுத்தி தர வேண்டும் என்று பொதுமக்கள் கோரிக்கை விடுத்துள்ளனர்.