சுற்றுச்சுவர் அமைக்கப்படாத பள்ளி

கரூர் மாவட்டம், நொய்யல் அருகே மரவாபாளையத்தில் கடந்த பல ஆண்டுகளுக்கு முன்பு அரசு தொடக்கப்பள்ளி கட்டப்பட்டது. இங்கு ஒன்று முதல் 5-ம் வகுப்பு வரை மாணவ- மாணவிகள் பயின்று வருகின்றனர். இந்நிலையில் இந்த அரசு ஆரம்பப்பள்ளிக்கு சுற்றுச்சுவர் இல்லாததால் மாணவ- மாணவிகளுக்கு பாதுகாப்பற்ற நிலை ஏற்பட்டுள்ளது. இதுகுறித்து பல்வேறு அதிகாரிகளிடம் மனு கொடுத்தும் இதுவரை சுற்றுச்சுவர் கட்டித்தரப்படவில்லை. எனவே மாவட்ட கலெக்டர் இதுகுறித்து விரைந்து நடவடிக்கை எடுக்க வேண்டும் என கேட்டுக்கொள்கிறோம்.