கடிக்க வரும் தெருநாய்களால் பொதுமக்கள் அச்சம்

திருச்சி உறையூர் முதலியார்தெரு, காமாட்சியம்மன் நகர், இந்திரா நகர் உள்ளிட்ட பகுதிகளில் ஏராளமான தெருநாய்கள் சாலைகளில் சுற்றித்திரிகின்றன. இவை இந்த வழியாக இருசக்கர வாகனத்தில் செல்பவர்களை கடிக்க துரத்துவதினால் அவர்கள் நிலைதடுமாறி கீழே விழுந்து காயமடைந்து வருகின்றனர். மேலும் சாலைகளில் நடந்து செல்லும் முதியவர்கள், பெண்கள், குழந்தைகளை கடிக்க வருவதினால் அவர்கள் பெரிதும் அச்சத்துடனேயே சென்று வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.