புகாருக்கு உடனடி தீர்வு

நெல்லை மாவட்டம் திசையன்விளையில் இருந்து முடவன்குளம் வழியாக கைலாசபேரிக்கு தடம் எண்-573 அரசு பஸ் இயக்கப்பட்டு வந்தது. இந்த பஸ் சமீப காலமாக ஊருக்குள் வராததால் மாணவர்கள், வியாபாரிகள் சிரமப்படுவதாக கைலாசபேரியை சேர்ந்த வாசகர் இசக்கிதாசன் 'தினத்தந்தி' புகார் பெட்டிக்கு அனுப்பிய பதிவு செய்தியாக பிரசுரமானது. அதற்கு உடனடி தீர்வாக ஊருக்குள் பஸ் வந்து செல்கிறது. கோரிக்கை நிறைவேற உறுதுணையாக இருந்த 'தினத்தந்தி'க்கும், நடவடிக்கை எடுத்த அதிகாரிகளுக்கும் அவர் நன்றியும், பாராட்டும் தெரிவித்துள்ளார்.