பயன்பாட்டிற்கு வராத சேவை மையம்

கரூர் மாவட்டம், திருக்காடுதுறை ஊராட்சி சார்பில் சுமார் ரூ.17 லட்சம் மதிப்பீட்டில் ஆலமரத்துமேடு நூலகம் அருகில் ஊராட்சி சேவை மைய கட்டிடம் கட்டப்பட்டது. விவசாயிகள், மாணவ- மாணவிகள், பொதுமக்கள் என பல்வேறு தரப்பினரும், பல்வேறு சான்றிதழ்களை பெற்று பயனடையும் வகையில் இந்த சேவை மைய கட்டிடம் கட்டப்பட்டது. ஆனால் இந்த கட்டிடம் கட்டப்பட்டு பல ஆண்டுகளாகியும் பயன்பாட்டிற்கு வராமல் பூட்டப்பட்ட நிலையிலேயே உள்ளது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.