பள்ளி மைதானத்தில் மதுபாட்டில்கள்

மோகனூர் அடுத்த அணியாபுரம் அரசு உயர்நிலைப்பள்ளி உள்ளது. இங்கு சுற்றுவட்டாரத்தை சேர்ந்த ஏராளமான மாணவ, மாணவிகள் படித்து வருகின்றனர். இந்த பள்ளியின் விளையாட்டு மைதானத்தின் ஒரு பகுதியில் சுற்றுச்சுவர் இல்லாத காரணத்தினால் இரவு நேரங்களில் மதுபிரியர்கள் மது அருந்திவிட்டு பாட்டிலை அங்கேயே உடைத்து போட்டு விட்டு செல்கின்றனர். இதனால் மாணவர்கள், ஆசிரியர்கள் முகம் சுழிக்கும் நிலை ஏற்பட்டு வருகிறது. எனவே மாணவர்களின் நலன் கருதி விளையாட்டு மைதானத்திற்கு சுற்றுச்சுவர் கட்ட நடவடிக்கை எடுக்க வேண்டும்.

-சாமிநாதன், அணியாபுரம்.