கோதுமை, மண்எண்ணெய் தடையின்றி கிடைக்குமா?

புதுக்கோட்டை மாவட்டம், கறம்பக்குடி பேரூராட்சியில் 3 ரேஷன் கடைகள் உள்ளன. இவற்றில் சுமார் 4000 குடும்ப அட்டைகள் உள்ளன. கடந்த சில மாதங்களாக இந்த ரேஷன் கடைகளுக்கு ஒதுக்கப்படும் கோதுமை மற்றும் மண்எண்ணெயின் அளவு வெகுவாக குறைக்கபட்டு உள்ளது. ஒரு குடும்பத்திற்கு 1/2 லிட்டர் மண்எண்ணெய் மட்டுமே வழங்கப்படுகிறது. அதுவும் அனைவருக்கும் கிடைப்பது இல்லை. இதே போல் கோதுமையும் ஒரு ரேஷன் கடைக்கு 50 கிலோ என்ற அளவிலேயே ஒதுக்கப்படுகிறதாம் இதனால் 90 சதவீத குடும்ப அட்டைகளுக்கு கோதுமை கிடைப்பது இல்லை. முதியவர்கள் அவதிபடும் நிலை உள்ளது. எனவே ரேஷன் கடைகளில் மண்எண்ணெய், கோதுமை தடையின்றி கிடைக்க நடவடிக்கை எடுக்க வேண்டும் என அப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.