அம்மாமண்டப படித்துறையில் பக்தர்களுக்கு அனுமதி உண்டா?

திருச்சி மாவட்டம, ஸ்ரீரங்கத்தில் உள்ள காவிரிக்கரையோர படித்துறையான அம்மாமண்டபம் படித்துறைக்கு தினமும் நூற்றுக்கணக்கான பொதுமக்களும், பக்தர்களும் புனித நீராட வந்து செல்லக்கூடிய இடமாகும். இவ்விடத்தில் வருகிற ஆடி அமாவாசை அன்று இன்னும் கூடுதலான மக்கள் தங்கள் முன்னோர்களுக்கு தர்ப்பணம், பரிகாரம் போன்றவை செய்வதற்கு வருவார்கள். தற்போது ஆற்றில் தண்ணீர் அதிகமாக செல்வதால் மேற்கண்ட காரியங்கள் செய்வதற்கு அம்மாமண்டபத்தில் அனுமதி உண்டா? இல்லையா என்பதனை மாவட்ட நிர்வாகம் முன்கூட்டியே அறிவிப்பு செய்தால் அதனை பொதுமக்கள் பின்பற்றுவதற்கு ஏதுவாக இருக்கும். எனவே இதுகுறித்து மாவட்ட நிர்வாகம் முன்அறிவிப்பு வெளியிட வேண்டுமென கேட்டுக்கொள்கின்றோம்.