சாலை வசதி செய்து தரப்படுமா?

திருச்சி மாவட்டம், போசம்பட்டி பஞ்சாயத்து சல்லாரி காடு பகுதியில் ஏராளமான பொதுமக்கள் வசித்து வருகின்றனர். இந்த பகுதியில் இருந்து மெயின் சாலைக்கு செல்ல சரியான சாலை வசதி இல்லை. இதனால் குறுகலான மண்சாலையில் மாற்றுத்திறனாளிகள் உள்பட அனைத்து தரப்பினரும் சென்று வருகின்றனர். இதனால் இரவு நேரங்களில் அந்த வழியாக செல்லவே பொதுமக்கள் அச்சம் அடைந்து வருகின்றனர். எனவே குறுகலான மண்சாலையை விரிவுபடுத்தி தார் சாலையாக போட்டு தர சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டு கொள்கிறோம்.