பாம்புகளால் தொல்லை

கரூர் மாவட்டம் கந்தம்பாளையத்தில் இருந்து கரூர்- சேலம் தேசிய நெடுஞ்சாலைக்கு செல்லும் வழியில் உள்ள முல்லை நகர் பகுதியில் அந்தப் பகுதி பொதுமக்களின் குடிநீர் தேவையை பூர்த்தி செய்யும் பொருட்டு குடிநீர் தொட்டி கட்டப்பட்டுள்ளது. இந்த தொட்டிக்கு அடியில் ஏராளமான புல்கள் முளைத்துள்ளது .அதன் காரணமாக அந்த பகுதியில் உள்ள பாம்புகள் இந்த புல்களுக்குள் அடைக்கலம் அடைந்துள்ளது. சில நேரங்களில் அங்கிருந்து வெளியேறி அருகில் உள்ள வீடுகளுக்குள் சென்று அச்சத்தை ஏற்படுத்தி வருகிறது. எனவே சம்பந்தப்பட்ட அதிகாரிகள் விரைந்து நடவடிக்கை எடுத்து தொட்டிக்கு அடியில் முளைத்துள்ள புல்களை அகற்றி சுத்தம் செய்ய நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.