வடிகால் வசதி அமைக்கப்படுமா?

புதுக்கோட்டை மாவட்டம், கறம்பக்குடி பேரூராட்சி பகுதியில் 20 ஆயிரத்திற்கும் மேற்பட்ட மக்கள் வசித்து வருகின்றனர். தற்போது 15 வார்டுகளில் உள்ள தெருக்களில் தார் மற்றும் சிமெண்டு சாலைகள் அமைக்கப்பட்டு வருகின்றன. ஆனால் இந்த சாலைகளுக்கு வடிகால் வசதி ஏதுமில்லை. இதனால் மழை பெய்தால் தண்ணீர் வீடுகளுக்குள் புகுந்து செல்லும் நிலை உள்ளது. தொடர்ந்து சாலைகள் உயர்த்தப்பட்டு வருவதால் குடியிருப்பு பகுதிகள் பள்ளமாகி வருகின்றன. எனவே வடிகால் வசதியுடன் சாலை அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.