பாராக மாறிவரும் ஆஸ்பத்திரி

அரியலூர் மாவட்டம், இரும்புலிக்குறிச்சி அரசு ஆரம்ப சுகாதார நிலையம் அருகே போலீஸ் நிலையம், நூலகம், தொடக்கப்பள்ளி ஆகியவை உள்ளன. இந்த ஆரம்ப சுகாதார நிலையத்தில் இருந்து சுமார் 100 மீட்டர் தொலைவில் அரசு மதுபான கடை செயல்பட்டு வருகிறது. இங்கிருந்து மது பாட்டில்களை வாங்கி வரும் மதுப்பிரியர்கள், அரசு ஆரம்ப சுகாதார நிலைய வளாகத்தை பார் போல் பயன்படுத்தி வருகின்றனர். சிலர் மது போதையில் அங்கேயே படுத்துக் கொள்கின்றனர். இதனால் இப்பகுதி மக்கள் மற்றும் மருத்துவமனைக்கு வரும் நோயாளிகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.