உடைந்த மதகுகள்

அரியலூர் மாவட்டம், விக்கிரமங்கலத்தில் அத்திகுளம் என்ற ஏரி உள்ளது. இந்த ஏரியை நம்பி சுற்றியுள்ள 100-க்கும் மேற்பட்ட விவசாயிகள் விவசாயம் செய்து பயன் அடைந்து வருகின்றனர். தற்போது இந்த ஏரி தூர்வாரப்பட்ட நிலையில், அதன் மதகுகள் உடைந்து காணப்படுகிறது. இதனால் மழைநீரை முழுமையாக சேகரிக்க முடியாமல் உடைந்த மதுகுகளின் வழியாக மழை நீர் வெளியே சென்று விடுகிறது. இதனால் இப்பகுதியில் நிலத்தடி நீர்மட்டம் குறைய வாய்ப்பு உள்ளதுடன், விவசாய நிலங்களுக்கு போதிய தண்ணீர் கிடைக்காமல் பற்ற குறை ஏற்பட அதிக வாய்ப்பு உள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து, மதகுகளை விரைந்து சரி செய்ய வேண்டும் என கேட்டுக்கொள்கிறோம்.