ஏரியில் முளைத்துள்ள கருவேல மரங்கள்

அரியலூர் மாவட்டம், உடையார்பாளையம் வட்டம், வானதிரையன்பட்டிணம் கிராமத்தில் குமிளங்குழி ஏரியை சுற்றிலும் கருவேல மரங்கள் அதிக அளவில் முளைத்து காடுபோல் காட்சி அளிக்கிறது. இதனால் ஆடு, மாடு மேய்ப்பவர்கள் மிகவும் சிரமத்திற்கு உள்ளாகின்றனர். மேலும் ஆடு, மாடுகள் கருவேல மரங்களில் சிக்கிக்கொள்கின்றன. மேலும் மழைபெய்யும்போது மழைநீரை முழுமையாக சேகரிக்க முடியாத நிலை ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.