நிழற்குடை இன்றி பயணிகள் அவதி

கரூர் மாவட்டம், குளித்தலை நகராட்சி பஸ் நிலையத்தில் திருச்சி மற்றும் கரூர் மார்க்க பஸ்கள் நிற்கும் இடங்களில் நிழற்குடை அமைக்கப்படாததால் பயணிகள் பெரிதும் அவதிப்பட்டு வருகின்றனர். மேலும் முதியவர்கள் உட்கார இடம் இன்றி வெயிலிலும், மழையிலும் நின்று பஸ் ஏறி செல்லும் நிலை ஏற்பட்டுள்ளது. எனவே பயணிகளின் நலனை கருத்தில் கொண்டு சம்பந்தப்பட்ட அதிகாரிகள் நடவடிக்கை எடுத்து இப்பகுதியில் பயணிகள் நிழற்குடை அமைக்க வேண்டும் என கேட்டுக்கொள்கிறோம்.