கழிவுகளை அகற்ற வேண்டும்

நாமக்கல் டவுன் சேந்தமங்கலம் ரோட்டில் இருந்து விசாணம் செல்லும் சாலையில் உள்ள சாலையோர கழிவுநீர் வாய்க்காலில் சிலர் மாட்டு இறைச்சிகளின் கழிவுகளை மூட்டை மூட்டையாக கொட்டிச் செல்கின்றனர். அதன் காரணமாக அந்த பகுதியில் துர்நாற்றம் வீசுகிறது. மேலும் தெருநாய்கள் மாட்டு இறைச்சி கழிவுகளை சாலையில் இழுத்துப் போட்டு விடுகின்றன. அதனால் தெருநாய்கள் தொல்லையும் அதிகரித்து வருகிறது. எனவே அங்கு மாட்டு இறைச்சி கொட்டுபவர்கள் மீது உரிய நடவடிக்கை எடுக்க வேண்டும். மேலும் அங்கு தேங்கியுள்ள கழிவுகளை அகற்ற நகராட்சி நடவடிக்கை எடுக்க வேண்டும்.