நோய் பரவும் அபாயம்

திருச்சி மாவட்டம், உப்பிலியபுரம் பேரூராட்சி 15-வது வார்டு இந்திரா நகரில் சாலை சீரமைப்பு பணியின்போது வீடுகளுக்கு செல்லும் குடிநீர் குழாய் உடைக்கப்பட்டதால் தண்ணீர் வெளியேறி வருகிறது. மேலும், அரை அடி உயரத்தில் குடிநீர் குழாய்கள் இருப்பதால் பொதுமக்கள் தண்ணீர் பிடிக்கும் பொழுது தண்ணீர் வீணாகி சாலையில் தேங்கி நிற்கிறது. இதனால் கொசுக்கள் உற்பத்தியாகி நோய் பரவும் அபாயம் ஏற்பட்டுள்ளது. எனவே சம்பந்தப்பட்ட அதிகாரிகள் இதுகுறித்து நடவடிக்கை எடுக்க வேண்டும் என கேட்டு கொள்கிறோம்.