கால்வாயில் முளைத்துள்ள செடி-கொடிகளை அகற்ற கோரிக்கை

கரூர் மாவட்டம் கரைப்பாளையம் அருகே இளங்கோ நகர் வெள்ளதாரை பகுதி வழியாக சுற்றுவட்டார பகுதி விவசாயிகளின் நலன் கருதி உபரி நீர் கால்வாய் வெட்டப்பட்டு செல்கிறது. இந்த உபரி நீர் கால்வாயில் விவசாய நிலங்களில் இருந்து வெளியேறும் உபரி நீர் மற்றும் மழைநீர் செல்கிறது. இந்நிலையில் உபரி நீர் கால்வாய் தூர் வாரப் பட்டு பல ஆண்டுகள் ஆனதால் ஆங்காங்கே செடி கொடிகள் முளைத்து தண்ணீர் தேங்கி வருகிறது .அதனால் மழை நீர் மற்றும் உபரி நீர் தங்கு தடை இன்றி செல்ல முடியாமல் தேங்கி நிற்கிறது. எனவே சம்பந்தப்பட்ட அதிகாரிகள் இதுகுறித்து நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.