`தினத்தந்தி' புகார் பெட்டிக்கு நன்றி

கரூர் மாவட்டம் அரவக்குறிச்சி-தாராபுரம் ரோட்டில் இருந்து எட்டியாக்கவுண்டனூர் கோவிலூர் செல்லும் சாலையில் அமைக்கப்பட்டுள்ள குடிநீர் குழாயில் உடைப்பு ஏற்பட்டு தண்ணீர் வீணாகி வந்தது. இதுகுறித்து தினத்தந்தி நாளிதழில் செய்தி வெளியானது. இதைப்பார்த்த சம்பந்தப்பட்ட அதிகாரிகள் குழாயில் ஏற்பட்ட உடைப்பை சரிசெய்து, சகதியான இடத்தில் மண் மற்றும் ஜல்லிக்கற்களை கொண்டு சீர் செய்துள்ளனர். இதற்கு செய்தி வெளியிட்டதற்கு `தினத்தந்தி' நாளிதழுக்கும், நடவடிக்கை எடுத்த அதிகாரிகளுக்கும் அப்பகுதி பொதுமக்கள் நன்றி தெரிவித்தனர்.