இடிந்து விழும் நிலையில் தொகுப்பு வீடுகள்

திருவாரூர் மாவட்டம் தப்பலாம் புலியூர் ஊராட்சி இலங்கைசேரி கிராமத்தில் தொகுப்பு வீடுகள் உள்ளன. இவற்றில் 20-க்கும் மேற்பட்ட வீடுகள் முறையான பராமரிப்பின்றி காணப்படுகிறது. இதன்காரணமாக வீடுகளின் மேற்கூரைகளில் இருந்து சிமெண்டு காரைகள் பெயர்ந்து கீழே விழுந்து உள்ளன. இதனால் உள்ளே இருக்கும் இரும்பு கம்பிகள் வெளியே தெரிவதால் வீடுகள் வலுவிழந்து இடிந்து விழும் நிலையில் காணப்படுகிறது. இவற்றால் அசம்பாவிதம் ஏற்படும் என வீடுகளில் வசிப்பவர்கள் அச்சம் தெரிவிக்கின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள தொகுப்பு வீடுகளை சீரமைத்து தர வேண்டும் என பொதுமக்கள் கோரிக்கைவிடுத்துள்ளனர்.