சீமைக்கருவேல மரங்களை அகற்ற கோரிக்கை

நொய்யல் ஆறு கோவை மாவட்டம் வெள்ளிங்கிரி மலையில் தொடங்கி திருப்பூர் மாவட்டம் வழியாக கரூர் மாவட்டம் நொய்யல் செல்லாண்டியம்மன் கோவில் வழியாக சென்று காவிரி ஆற்றில் கலக்கிறது. காவிரி ஆற்றில் கலக்கும் இடத்திலிருந்து மெயின் காவிரி ஆறு வரை நெடுகிலும் ஏராளமான சீமைக்கருவேல மரங்கள் முளைத்துள்ளன. இதன் காரணமாக நொய்யல் ஆற்றில் வரும் தண்ணீர் ஆங்காங்கே செல்ல முடியாமல் தேங்கி நிற்கிறது. மேலும் காவிரி ஆற்றுக்குள் முளைத்துள்ள சீமைக்கருவேல மரங்களால் கால்நடைகளுக்கும் பெரும் ஆபத்து எதிர் நோக்கி காத்திருக்கிறது. கருவேல மர காய்களை கால்நடைகள் சாப்பிட்டால் மலட்டுத்தன்மை ஏற்பட்டு உடல் உபாதைகளும் ஏற்படும் அபாயம் உள்ளது. எனவே இதுகுறித்து சம்பந்தப்பட்ட துறை அதிகாரிகள் உடனடியாக நடவடிக்கை எடுத்து சீமைக்கருவேல மரங்களை அகற்றி நெடுகிலும் சுத்தம் செய்ய வேண்டும் என கேட்டுக்கொள்கிறோம்.