வேகத்தடை அமைக்கப்படுமா?

புதுக்கோட்டை மாவட்டம், திருமயம் ஊராட்சியில் கனரா வங்கி அருகே ஊத்திக்கேணி வீதி, கருப்பர் கோவில் வீதி, கடைவீதி ஆகிய நான்கு ரோடு சந்திப்பு இருந்து வருகிறது. இந்த ரோட்டில் ஏராளமான மோட்டார் சைக்கிள், நான்கு சக்கர வாகனங்கள் வேகமாக சென்று வருகின்றன. மேலும் ஏராளமான பொதுமக்கள் இந்த பகுதியில் நடந்து சென்று வருகின்றனர். இதனால் வாகனங்கள் வருவது தெரியாமல் விபத்து ஏற்படும் சூழ்நிலை இருந்து வருகிறது. எனவே பொதுமக்களுக்கு எதுவும் பாதிப்பு ஏற்படாத வகையில் வாகனங்கள் மெதுவாக சென்று வர சம்பந்தப்பட்ட துறையினர் வேகத்தடை அமைத்து கொடுக்க வேண்டும் என கேட்டுக்கொள்கிறோம்.