புகைமூட்டத்தால் விபத்து அபாயம்

நாமக்கல் மாவட்டம் பரமத்திவேலூர் காவேரி பாலம் அருகே சாலை ஓரத்தில் கொட்டப்பட்டுள்ள குப்பையில் அடிக்கடி தீ பற்றி புகை மூட்டம் ஏற்படுவதால் கரூர் மாவட்ட பகுதியில் இருந்து பரமத்திவேலூருக்கு வரும் பொதுமக்கள் மிகுந்த சிரமத்திற்கு உள்ளாகி வருகின்றனர். அந்த வழியாக வரும் வாகனங்கள் புகை மூட்டத்தால் எதிரே வரும் வாகனங்கள் தெரியாமல் விபத்து ஏற்படும் அபாயம் உள்ளது. எனவே சம்பந்தப்பட்ட அதிகாரிகள் அப்பகுதியில் கொட்டப்படும் குப்பைகளை தடுத்து சுகாதார கேடு ஏற்படாமல் தடுக்க வேண்டும் என பொதுமக்கள் மற்றும் சமூக ஆர்வலர்கள் கோரிக்கை விடுத்துள்ளனர்.

-கிரி, பரமத்திவேலூர், நாமக்கல்.