பயனற்ற சுகாதார வளாகம்

கரூர் மாவட்டம், திருக்காடுதுறையில் அப்பகுதி பெண்களின் நலன் கருதி கடந்த பல ஆண்டுகளுக்கு முன்பு சுகாதார வளாகம் கட்டப்பட்டது. அந்த சுகாதார வளாகத்தை அப்பகுதியில் உள்ள பெண்கள் தொடர்ந்து பயன்படுத்தி வந்தனர். சுகாதார வளாகம் கட்டப்பட்டு பல ஆண்டுகளுக்கு மேல் ஆனதால் சுகாதார வளாகத்திற்குள் உள்ள கழிவுநீர் குழாயில் அடைப்பு ஏற்பட்டு சுகாதார வளரத்துக்குள் கழிவுநீர் தேங்கிநின்றது. இதன் காரணமாக அப்பகுதி பெண்கள் சுகாதார வளாகத்தை பயன்படுத்தாமல் உள்ளனர். இதனால் சுகாதார வளாகம் முழுவதும் பல்வேறு செடி, கொடிகள் முளைத்துள்ளது. எனவே உள்ளாட்சித்துறை அதிகாரிகள் விரைந்து நடவடிக்கை எடுத்து சிதிலமடைந்து காணப்படும் சுகாதார வளாகத்தின் குழாய்களை சீரமைத்து தர வேண்டும் என கேட்டுக்கொள்கிறோம்.