தினத்தந்திக்கு நன்றி

புதுக்கோட்டையில் முக்கிய பிரமுகர்கள் வருகையொட்டி நகரப்பகுதியில் பிரதான சாலைகளில் கடந்த சில நாட்களுக்கு முன்பு வேகத்தடைகள் அகற்றப்பட்டிருந்தன. இந்த வேகத்தடைகள் மீண்டும் அமைக்கப்பட வேண்டும் என பொதுமக்கள் சார்பில் கோரிக்கை வைக்கப்பட்டது. வேகத்தடைகள் இல்லாததால் இருசக்கர வாகன ஓட்டிகள் சாலையில் வேகமாக செல்வதாகவும், அதனால் விபத்து ஏற்படுவதாகவும், இதனை தவிர்க்க மீண்டும் வேகத்தடைகள் அமைக்க வேண்டும் என்பது தொடர்பாக தினத்தந்தி புகார் பெட்டியில் பொதுமக்களின் கோரிக்கை வெளியானது. இதையடுத்து அதிகாரிகள் உரிய நடவடிக்கை மேற்கொண்டதால் தற்போது சாலையில் மீண்டும் வேகத்தடைகள் அமைக்கப்பட்டு வருகிறது. இதற்கு நடவடிக்கை எடுத்த அதிகாரிகளுக்கு நன்றி தெரிவிப்பதோடு கோரிக்கையை வெளியிட்ட தினத்தந்திக்கும் நன்றி தெரிவித்துக் கொள்கிறோம்.