சுத்தம் செய்யப்படாத ஊரணி

புதுக்கோட்டை மாவட்டம், ஆதனக்கோட்டை மடத்துக்கடை அருகே சிவகங்கை என்ற மடத்தூரணி உள்ளது. இந்த ஊரணி பல ஆண்டுகளுக்கு முன்னர் ஆதனக்கோட்டை சுற்றுவட்டார பொதுமக்களின் குடிநீர்தேவையை பூர்த்தி செய்யும் ஊரணியாக இருந்து வந்துள்ளது. தற்போது இந்த ஊரணியைச் சுற்றிலும் சீமைக்கருவேல மரங்கள் உள்ளிட்ட செடி-கொடிகள் மண்டி புதர்போல் காட்சியளிக்கிறது. இதனால் ஊரணியை பயன்படுத்த முடியாத நிலை உள்ளதால் பொதுமக்கள் இயற்கை உபாதை கழிக்குமிடமாக பயன்படுத்துவதால் ஊரணியைச் சுற்றிலும் துர்நாற்றம் வீசுகிறது. தற்போது மழைக்காலம் என்பதால் நோய்தொற்று பரவும் அபாயம் அதிகமாக உள்ளது. இதனால் ஊரணியைச் சுற்றியுள்ள சீமைக்கருவேல மரங்கள் உள்ளிட்ட செடி-கொடிகள் முட்புதர்களை அகற்றி ஊரணியை தூர்வாரி சுத்தம் செய்து பொதுமக்களின் பயன்பாட்டிற்கு கொண்டுவர சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.