சட்ட விரோத மது விற்பனை

கரூர் மாவட்டம், புன்னம்சத்திரத்தில் இருந்து வேலாயுதம்பாளையம் செல்லும் சாலையில் உள்ள மசக்கவுண்டன் புதூர் பிரிவு சாலை அருகே அரசுக்கு சொந்தமான டாஸ்மாக் மதுபான கடை செயல்பட்டு வருகிறது. இந்த கடையின் பின்புறம் டாஸ்மாக் பார் உள்ளது. சுற்றுவட்டார பகுதிகளை சேர்ந்த மது பிரியர்கள் டாஸ்மாக் கடை திறந்ததும் இங்குள்ள பாரில் அமர்ந்து மது அருந்தி செல்வது வழக்கம். இந்நிலையில் டாஸ்மாக் கடை பகல் 12 மணிக்கு மேல் திறக்கப்படுகிறது. இரவு 10 மணி அளவில் மூடப்படுகிறது. இந்த நேரம் தவிர மற்ற அனைத்து நேரங்களிலும் இங்குள்ள பாரில் மது பாட்டில் விற்பனை செய்யப்படுகிறது. இரவு பகலாக மதுபாட்டில்களை விற்பனை செய்வதால் இரவு நேரங்களிலும், விடியற்காலையிலும், பகல் ஒரு மணி வரையிலும் ஏராளமான இருசக்கர வாகனங்களில் பல்வேறு பகுதிகளை சேர்ந்தவர்கள் இங்கு வருகின்றனர். பாரில் மது பாட்டில்கள் வாங்க வருபவர்கள் மதுஅருந்தி விட்டு பாட்டில்களை சாலையிலேயே உடைத்து போட்டு செல்கின்றனர். இதனால் பெண்கள் நடமாட முடியாத சூழ்நிலை ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.