விழிப்புணர்வு வேண்டும்

கரூர் மாவட்டம், அரவக்குறிச்சி மற்றும் சுற்றுவட்டார பகுதி பொதுமக்கள் பெரும்பாலும் விவசாயத்தையே நம்பி வாழ்கின்றனர். அரவக்குறிச்சி மற்றும் சுற்றுவட்டார பகுதிகளில் குறைந்த அளவே உள்ள கிணற்று நீரை கொண்டு முருங்கை மற்றும் காய்கறிகளை விவசாயிகள் பயிரிட்டு வருகின்றனர். தற்போது மழை காலம் தொடங்க உள்ள நிலையில் முருங்கை மற்றும் இதர காய்கறி பயிர் வகைகளை பூச்சி தாக்குதலில் இருந்து எவ்வாறு பாதுகாப்பது என்பது பற்றி சம்பந்தப்பட்ட அதிகாரிகள் விவசாயிகளுக்கு தக்க அறிவுரை வழங்க வேண்டும். அப்போது தான் மழைக்காலங்களில் பயிர்களில் பூச்சி தாக்குதல்களை கட்டுப்படுத்த முன்கூட்டியே பயிர்களை பாதுகாக்க வசதியாக இருக்கும் என கேட்டுக்கொள்கிறோம்.