புதிய பாலம் கட்ட வேண்டும்

அரியலூர் மாவட்டம், திருமானூர் ஒன்றியம், தூத்தூர் கிராமத்தில் இருந்து கொள்ளிடம் ஆற்றுக்கு செல்லும் வழியில் பொன்னாறு பாசன வாய்க்கால் அமைந்துள்ளது. பொன்னார் பிரதான வாய்க்காலை கடந்து செல்வதன் மூலம் நூற்றுக்கணக்கான ஏக்கர் நிலப்பரப்பில் தூத்தூர் மற்றும் சுற்றுவட்டார பகுதி மக்களுக்கு சொந்தமான விவசாய நிலங்களை சென்று அடைய முடியும். கொள்ளிடம் ஆற்றின் கரையையும், தூத்தூர் கிராமத்தையும் இணைக்கும் பொன்னாற்று பாலம் ஆங்கிலேயர் காலத்தில் கட்டப்பட்டது. இப்போது அது சிதிலமடைந்து ஒரு பகுதி இடிந்த நிலையில் காணப்படுகிறது. முற்றிலும் இடிந்து விழுந்து போக்குவரத்து துண்டிக்கப்படுவதற்குள் உரிய அதிகாரிகள் நடவடிக்கை எடுத்து புதிய பாலம் கட்ட ஆவண செய்ய வேண்டும் என கேட்டுக்கொள்கிறோம்.