பூட்டிக்கிடக்கும் கழிப்பிடம்

தேனி கர்னல் ஜான் பென்னிகுயிக் பஸ் நிலையத்தில் மதுரை பஸ்கள் நிறுத்தப்படும் பகுதியில் உள்ள கழிப்பிடம் பராமரிப்பு பணிக்காக கடந்த 20 நாட்களுக்கு முன்பு மூடப்பட்டது. ஆனாலும் பணிகள் முழுமையாக மேற்கொள்ளாமல் கிடப்பில் போடப்பட்டுள்ளது. இதனால் போக்குவரத்து தொழிலாளர்கள், பயணிகள், அப்பகுதியில் கடை வைத்துள்ளவர்கள் பரிதவித்து வருகின்றனர். எனவே பூட்டிக் கிடக்கும் கழிப்பிடத்தை பராமரித்து விரைவில் பயன்பாட்டுக்கு கொண்டு வர வேண்டும்.