இருள் சூழ்ந்து காணப்படும் சுகாதார நிலையம்

திருச்சி மாவட்டம், உப்பிலியபுரம் மேம்படுத்தப்பட்ட அரசு சுகாதார நிலையம் செயல்பட்டு வருகிறது. இங்கு தினமும் ஏராளமான பொதுமக்கள் வந்து செல்கின்றனர். இந்தநிலையில் இப்பகுதியில் மின்விளக்குகள் எதுவும் இல்லாததால் இரவில் இருள் சூழ்ந்து காணப்படுகிறது. இதனால் இரவு நேரங்களில் மருத்துவமனைக்கு வரும் நோயாளிகள், கர்ப்பிணிகள் கடும் சிரமம் அடைந்து வருகின்றனர். எனவே சம்பந்தப்பட்ட அதிகாரிகள் இப்பகுதியில் மின்கம்பம் வைக்க நடவடிக்கை எடுக்க வேண்டும் என கேட்டுக் கொள்கிறோம்.