சாய்ந்து நிற்கும் வழிகாட்டி பலகை

ஈரோடு சுவஸ்திக் கார்னர் சிக்னல் பகுதியில் சத்திரோட்டின் தடுப்புச்சுவரில் வழிகாட்டி பலகை வைக்கப்பட்டு உள்ளது. அதில் சேலம், நாமக்கல், பெருந்துறை, ரெயில் நிலையம், வ.உ.சி. பூங்கா ஆகிய இடங்களுக்கு செல்வதற்கான வழிகாட்டி குறிப்பிடப்பட்டு உள்ளது. இந்த வழிகாட்டி பலகை கீழே விழும் நிலையில் சரிந்து நிற்கிறது. வாகனங்கள் வேகமாக செல்லும்போது வழிகாட்டி பலகை விழுந்தால் பெரும் விபத்து ஏற்படும் அபாயம் உள்ளது. எனவே வழிகாட்டி பலகையை முறையாக அமைக்க நடவடிக்கை எடுக்க வேண்டும்.