பள்ளிக்கு புதிய கட்டிடம் கட்டப்படுமா?

கரூர் மாவட்டம். தோட்டக்குறிச்சியில் கடந்த 30 ஆண்டுகளுக்கு முன் ஊராட்சி ஒன்றிய நடுநிலைப் பள்ளி கட்டிடம் கட்டப்பட்டது. இந்த கட்டிடம் பழுதடைந்ததால் கடந்த 2 ஆண்டுகளுக்கு முன்பு முழுவதும் இடிக்கப்பட்டது. தற்போது தோட்டக்குறிச்சியில் உள்ள இரு சமுதாயக் கூடங்களை பள்ளி வகுப்பறையாக மாற்றி மாணவ-மாணவிகள் படித்து வருகின்றனர். சமுதாயக்கூடத்தில் இடம் பற்றாக்குறையாக இருப்பதால் அங்குள்ள மரத்தடியில் மாணவர்கள் பாடம் கற்க வேண்டிய சூழ்நிலை ஏற்பட்டுள்ளது. எனவே மாவட்ட கலெக்டர் விரைந்து நடவடிக்கை எடுத்து இடிக்கப்பட்ட பள்ளி கட்டிடத்திற்கு பதிலாக புதிய கட்டிடம் கட்டித் தர வேண்டும் என மாணவ-மாணவிகள், பெற்றோர்கள், சமூக ஆர்வலர்கள் கோரிக்கை விடுத்துள்ளனர்.